موضوع: الزواج فى مصر على مر العصور الإثنين يناير 24, 2011 2:45 am
طرق الزواج على مر التاريخ
مصر الفرعونية
بابا انا عايز اتجوز اختى حت حور خلاص يا ابنى خليها تنقل حاجتها فى اوضتك.. وابقى هاتلها حجرين صوان هدية.. مبروك يا رمسيس
مصر فى عصر الرومان
تتجوزينى يا افروديت اتجوزك يا بانسيلوس يلا بينا نبنى كوخ ع البحر ونعيش هناك يلا
مصر بعد الفتح الاسلامى ولدى خالد يا شيخ احمد بيريد يتجوز ابنتك البكر الكريمة.. ويبنى خيمة.. ويقدم مهر20 بعير والله خالد ولدك زين الرجال .. وايش اتمنى غير رجل صالح يكون زوج لبنتى .. وكما قال رسول الله صلى الله عليه وسلم ' ان جاءكم من ترضون دينه وخلقه فزوجوه ' .... قيموا الافراح
مصر 1919
انت ح تتجوز بنت الحاج عبد الجليل .. انا كلمته خلاص ووافق .. جهز اوضتك وهات خلخال .. فرحك يوم الخميس اللى جاى طب مش اشوفها الاول يابا انت اتجننت يا ولد تشوفها ده ايه .. انت ح تتجوز والا تخبص حاضر يابا
مصر 1960
بقى يا ستى بنتك آمال جالها عريس ياألف نهار ابيض يا ألف نهار مبروك جدع طيب وابن حلال موظف فى الحقانية .. وماهيته مش بطالة .. اهو يبنوا حياتهم سوا بعد الجواز.. والا ايه رأيك يا أم العروسة؟ الرأى رأيك يا أبو العروسة .. والله العيال ح يعجزونا يا ابو محمد فشر .. تدبل الوردة وريحتها فيها يا نرجوستى
مصر فى عصر الانفتاح
اخرسى يا بنت... انا اللى يتجوز بنتى لازم يكون عنده شقة تمليك وعربية مرسيدس وسوبر ماركت بس يا ماما ما فيش بس.. انا وابوكى قبل ما يموت فى الحرب كانت بتعدى علينا ايام ما بنلاقيش ناكل.. انا يا بنتى مش عايزاكى تتعذبى زى ما احنا اتعذبنا.. انتى ح تتجوزى فتحى ابن خالتك بس انا مش بحبه يا ماما الحب ما بيأكلش تونة فى الزمن ده يا فالحة امرك يا ماما مصر 1990
البنت: بابا ريكو هييجى يقابلك بكره وهو راجع من المول مع ديدى متتكلمش معاه فى اى ماديات من فضلك انا بشترى راجل واحنا معانا كتير وبعدين الكلام فى المهر والعفش والقايمه والفرح ده موضه قديمه وحاجات بلدى ياى انا اتفقت معاه على كل حاجه والفرح فى كافيه ماريانو فى المعادى على الضيق كده وانا جيت اعزمك انت ومامى الاب: مبروك يا حبيبتى مصر 2008
بابى دودى اللى اتعرفت عليه من الشات مشغل الويب كام و عايز يكلمك علشان يقرا معاك الفاتحه اصله ملتزم اوى و مصمم يدخل البيت من ماسنجره اقصدى من بابه الاب: على خيرة الله يا بنتى ده شكله فعلا ملتزم روحى شغلى الكاميرا و الميك واناهلبس انا و مامتك ونيجى نقرا الفاتحه مش انتوا اتفقتوا على كل شى يا روحى يلا ربنا يتمملكم بخير..
موضوع: الزواج فى مصر على مر العصور 
الإثنين يناير 24, 2011 2:45 am
